Paris Saint-Germain varð franskur bikarmeistari í kvöld í sjötta sinn á sjö árum.

PSG spilaði við Mónakó og tók Mauro Icardi forystuna snemma leiks.

Mónakó spilaði vel en tókst ekki að skora, heldur var það Kylian Mbappe sem innsiglaði sigur PSG á lokakaflanum.

Mbappe lagði einnig upp fyrra markið fyrir Icardi.

Liðin eru einnig í harðri titilbaráttu í frönsku deildinni fyrir lokaumferðina. Þar er PSG í öðru sæti, einu stigi eftir toppliði Lille.

Mónakó kemur svo tveimur stigum eftir PSG og er Lyon einu stigi þar á eftir í fjórða sæti.