„Það er mjög mikilvægt að fá frídag í svona endurheimt. Það er mikið álag og mikið stress og það er frábært að við höfum tíma í það. Ég er ekki viss um að það verði fyrir Króatíu en það er frábært að jafna sig áður en við byrjum á fullu í undirbúning fyrir næsta leik."

Frábært finish hjá Aguero
Ísland gerði 1-1 jafntefli við Argentínu á laugardag en Kári og varnarmenn Íslands léku vel og lokuðu á hættulega sóknarlínu Argentínumanna. Sergio Aguero skoraði eina mark Argentínu í leiknum.

„Þeir skora eitt mark og við viljum það aldrei. Það er engu að síður frábært finish hjá honum. Það er lygilegt hvað hann nær miklum krafti í þetta skot. Af því undanskildu var þetta nokkuð gott. Þeir sköpuðu fá færi og við sköpuðum í rauninni betri færi en þeir. Þeir áttu nokkur skotfæri fyrir utan teig en það var ekkert of hættulegt. Heilt yfir var ég nokkuð ánægður með þetta."

Allt öðruvísi gegn Nígeríu
Næsti leikur Íslands er gegn Nígeríu í Volgograd á laugardaginn.

„Það verður allt öðruvísi. Þeir eru líkamlega sterkari. Það er annað að eiga við þessa stráka heldur en hina. Það var svolítið eins og Messi ætti að stjórna öllu hjá Argentínu. Það var reynt að láta hann fá boltann sama hvaða stöðu hann var í."

„Það eru allir öskufljótir og sterkir hjá þeim og við þurfum að passa okkur á skyndisóknum með því að sækja ekki á of mörgum mönnum og gefa þannig færi á okkur."

Hitinn er Nígeríu í vil
Spáð er 31 stiga hita þegar leikurinn byrjar á föstudag. „Ég held að það sé nokkuð ljóst að það er þeim í vil. Það þýðir ekkert að pæla í utanaðkomandi aðstæðum. Við þurfum bara að takast á við það sem kemur," sagði Kári.

Hér að ofan má sjá viðtalið í heild sinni.