Pólland er í góðri stöðu í A-riðli Evrópumóts U21 landsliða eftir sigur gegn Ítalíu í kvöld.
Krystian Bielik, sem er á mála hjá Arsenal, skoraði eina mark leiksins á 40. mínútu. Bielik er 21 árs gamall. Hann lék með Charlton og hjálpaði liðinu að komast upp úr ensku C-deildinni á síðustu leiktíð.
Pólland er með sex stig eftir sigur á Belgíu í fyrsta leik. Belgía tapaði í kvöld gegn Spáni, 2-1.
Dani Olmo kom Spánverjum yfir áður en Sebastiaan Bornauw jafnaði fyrir Belgíu á 24. mínútu. Pablo Fornals, nýjasti leikmaður West Ham, skoraði sigurmark Spánar á 89. mínútu. Hér að neðan má sjá mark hans.
Spánn er með þrjú stig í riðlinum eins og Ítalía.
Spánn 2 - 1 Belgía
1-0 Dani Olmo ('6)
1-1 Sebastiaan Bornauw ('24)
2-1 Pablo Fornals ('89)
Ítalía 0 - 1 Pólland
0-1 Krystian Bielik ('40)
Fantastic strike from Pablo Fornals pic.twitter.com/bpVCEXCWkZ
— Steven (@SanPenguinYo) June 19, 2019
Athugasemdir