UEFA hafnaði áfrýjun Paris St-Germain vegna þriggja leikja Evrópubanns brasilíska sóknarmannsins Neymar.

Neymar lét dómara heyra eftir tap PSG gegn Manchester United í Meistaradeildinni.

Neymar var allt annað en sáttur eftir að PSG féll úr leik gegn United eftir að dómarinn Damir Skomina leitaði í VARsjánna í uppbótartíma og dæmdi United vítaspyrnu.

„Þetta er til skammar!" skrifaði Neymar á Instagram. „UEFA velur fjóra menn sem vita ekkert um fótbolta til að fara yfir atvikið hægt á myndbandi. Þetta var engan veginn hendi. Farið til fjandans!"

Neymar spilaði ekki leikinn vegna meiðsla og fylgdist með úr heiðursstúkunni. Nokkrum dögum áður hafði hann verið að djamma í heimalandi sínu, Brasilíu.