Fjölnismenn komust upp fyrir Þór í toppsæti Inkasso-deildarinnar með sigri á Þrótti í fyrsta leik áttundu umferðar í kvöld. Leikurinn fór fram á gervigrasinu í Laugardal, Eimskipsvellinum.
Staðan var markalaus að lokum frekar bragðdaufum fyrri hálfleik. Eftir stundarfjórðung í seinni hálfleik skoraði Valdimar Ingi Jónsson fyrsta mark leiksins.
„Atli kastar boltanum út á hægri kantinn á Valdimar sem brunar upp og keyrir svo inn á völlinn áður en hann lætur vaða á markið og sá hitti boltann. Boltinn syngur í samskeytunum nær. Verðskulduð forysta," skrifaði Hilmar Jökull í textalýsingunni á Fótbolta.net þegar Valdimar skoraði.
Fjölnir náði að landa sigrinum, 1-0 lokatölur. Fjölnir er með 16 stig á toppi deildarinnar. Þróttur er í sjöunda sæti með 10 stig. Umferðin heldur áfram á morgun og klárast á laugardag.
Athugasemdir