Alexis Claude-Maurice, leikmaður sem hefur verið orðaður við Arsenal og West Ham, segist vilja fara til Borussia Mönchengladbach í Þýskalandi.
Þessi 21 árs gamli kantmaður skoraði 14 mörk í 35 leikjum í frönsku B-deildinni með Lorient á síðasta tímabili.
Hann er tilbúinn að yfirgefa Lorient, en enska úrvalsdeildin er ekki draumaáfangastaðurinn eins og staðan er núna.
„Ég vil fara til Mönchengladbach. Það er félag sem treystir á unga leikmenn og liðið er að fara að spila í Evrópudeildinni. Það er verkefni sem hentar mér," sagði Claude-Maurice við L'Equipe.
Gladbach hafnaði í fimmta sæti þýsku úrvalsdeildarinnar á síðasta tímabili.
Athugasemdir