Enska U21-landsliðið tapaði fyrir Frakklandi 1-2 á dramatískan hátt í gær en þetta var fyrsti leikur beggja liða í úrslitakeppni EM U21 landsliða sem fram fer á Ítalíu.

Fréttir enskra fjölmiðla um að Phil Foden yrði á bekknum reyndust ekki á rökum reistar. Þessi efnilegi leikmaður Manchester City var í byrjunarliðinu og þakkaði traustið með því að skora fyrsta mark leiksins í seinni hálfleik.

Hamza Choudhury, leikmaður Leicester, fékk svo að líta rauða spjaldið á 63. mínútu og Frakkar nýttu sér liðsmuninn. Jonathan Ikone jafnaði í 1-1 á 89. mínútu.