Hannes er tilbúinn í slaginn og er í marki Vals gegn KR í kvöld.

Hannes fékk leyfi til að fara í brúðkaup hjá Gylfa Sigurðssyni, samherja sínum í íslenska landsliðinu, um liðna helgi en hann var að glíma við meiðsli.

Hann missti því af 5-1 sigri Vals gegn ÍBV en Anton Ari Einarsson stóð þá í markinu.

Þorkell Máni Pétursson, sérfræðingur Pepsi Max-markanna, telur að enginn sé stressaðari á vellinum í kvöld en Hannes.

„Stressaðasti maðurinn á vellinum hlýtur að vera Hannes. Ef þessi leikur tapast þá er þetta farið að líta mjög illa út með Hannes í markinu, með allri virðingu fyrir því. Við skulum segja blessunarlega er Hannes ekki meiddur því ef Anton hefði tekið þennan leik og hann hefði endað með sigri, þá væri landsliðsmarkvörðurinn líklega orðinn varamarkvörðurinn í Val," sagði Máni.

„Þú velur alltaf þitt besta lið," sagði Leifur Garðarsson. „Ég held að ein af ástæðunum fyrir því að Hannes var fenginn til liðsins var það að hann er betri stjórnandi fyrir aftan vörnina en Anton."

Hérna verður textalýsing frá leiknum.

Með sigri í kvöld geta KR-ingar endurheimt toppsætið í deildinni. Breiðablik skaust á toppinn með 3-1 útisigri á Stjörnunni í gærkvöldi. Valur er hinsvegar tíu stigum á eftir KR og því mikilvægt fyrir liðið að ná sigri í kvöld. Útlitið yrði ansi svart fyrir rauða Valsmenn tapi þeir leiknum í kvöld.

Sjá einnig:
Fullyrðir að Hannes hafi haft klásúlu í samningnum um brúðkaup Gylfa