Opnunarleikur Þórs og Grindavíkur klukkan 18:00
Í kvöld hefst Lengjudeild karla með þremur leikjum. Opnunarleikur deildarinnar er á Akureyri þar sem Þór tekur á móti Grindavík í stórleik.
Páll Viðar Gíslason, þjálfari Þórs, var í viðtali við vefsíðu Þórs fyrir leik kvöldsins.
„Stemningin er nokkuð góð. Við tókum dag í sleikja sárin eftir bikarleikinn á Húsavík, hann fór ekki alveg eins og við settum hann upp. Ég held að menn séu klárir í að taka á móti Grindvíkingum," sagði Palli.
Þór vann Völsung í vítaspyrnukeppni í Mjólkurbikarnum um síðustu helgi. Páll Viðar var ekki nægilega sáttur með þann leik og segir hann: „Við þurfum að vera einbeittari varnarlega og passa markið okkar betur, að tvær eða þrjár tilraunir þýði ekki tvö mörk."
„Það eru mjög góð lið í þessari deild og ef við ætlum að leyfa okkur að hleypa þessu upp í útsölumörk þá verðum við í vandræðum. Við þurfum að vera rúmlega til í hlutina strax í fyrsta leik því þetta er spilað þétt."
„Ég held að þetta verði jafnari en oft áður. Þetta er vítt og dreift um landið og ég held að heimavöllurinn verði ríkjandi í deildinni."
Viðtalið er í heild sinni hér að neðan.
Sjá einnig:
Svona er spáin fyrir Lengjudeild karla - Hlustaðu á upphitunarþáttinn
Athugasemdir