banner
   fös 19. júní 2020 08:30
Guðmundur Aðalsteinn Ásgeirsson
Everton sagt hafa boðið Thiago Silva tveggja ára samning
Thiago Silva er á förum frá Paris Saint-Germain.
Thiago Silva er á förum frá Paris Saint-Germain.
Mynd: Getty Images
Everton hefur sett sig í samband við varnarmanninn Thiago Silva samkvæmt fjölmiðlamanninum Duncan Castles.

Silva er á förum frá franska stórliðinu Paris Saint-Germain eftir að keppni í Meistaradeild Evrópu lýkur í haust. Silva hefur verið hjá PSG frá 2012 og hefur hann gegnt algeru lykilhlutverki í vörn franska liðsins.

Castles segir að Everton hafi boðið varnarmanninum reynslumikla tveggja ára samning.

Ef Silva ætlar að fara í Everton þá þarf hann mjög líklega að taka á sig launalækkun frá stórum samningi hans hjá PSG.

Hinn 35 ára gamli Silva hefur einnig verið orðaður við Arsenal, en ef hann fer til Everton þá verður hann liðsfélagi Gylfa Þór Sigurðssonar en íslenski landsliðsmaðurinn hefur verið á mála hjá Everton frá 2017.


Athugasemdir
banner
banner
banner
banner