Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fös 19. júní 2020 10:30
Magnús Már Einarsson
Ragnar Bragi sofið mikið eftir atvikið - Heppni að ekki fór verr
Ragnar Bragi eftir atvikið á mánudaginn.
Ragnar Bragi eftir atvikið á mánudaginn.
Mynd: Fótbolti.net - Hafliði Breiðfjörð
„Ég er búinn að vera hálf sofandi bara, ég er mikið verkjaður. Ég hef ekki lent í svona meiðslum áður, ég á að hvíla mig eins og ég get. Ég hef ekkert verið í vinnu, ég er með verkjalyf til að stilla mig af," segir Ragnar Bragi Sveinsson, fyrirliði Fylkis, í viðtali við 433.is í dag.

Ragnar Bragi tví kinnbeinsbrotnaði gegn Stjörnunni á mánudaginn eftir að Daníel Laxdal var of seinn upp í skallabolta.

Talsvert hefur verið rætt um atvikið en Ólafur Ingi Skúlason, aðstoðarþjálfari Fylkis, lét meðal annars heyra í sér á Twitter í gær. Ólafur var ósáttur við að Daníel hafi ekki fengið spjald fyrir brotið á Ragnari Braga.

Ragnar Bragi segist vera heppinn að ekki fór verr.

„Ég fæ að heyra frá lækninum að ég sé heppinn að höggið hafi ekki komið ofar, þremur sentimetrum ofar og þetta fer beint á gagnaugað. Mér skilst að það sé stórhættulegur staður, það er því heppni að ekki fór verr," sagði Ragnar Bragi við 433.is.

Hér að neðan má sjá atvikið.


Athugasemdir
banner
banner
banner
banner