Modric, sem er 33 ára gamall, var kjörin besti knattspyrnumaður heims á síðasta ári en hann var lykilmaður er Real Madrid vann Meistaradeild Evrópu og er Króatía komst í undanúrslit HM í Rússlandi.

Hann hefur verið orðaður við bæði AC Milan og Inter en Maldini segir ekkert til í því að Milan hafi lagt fram tilboð í Modric.

„Við höfum aldrei rætt við Modric en við sögðum við þjálfarann að félagið væri að leita að góðum ungum leikmönnum og svo nokkrum reynslumeiri," sagði Maldini.

„Eldri leikmennirnir hjálpa þeim yngri að vaxa og því yrði Modric fullkominn í Milan en við höfum aldrei verið í viðræðum við hann," sagði hann í lokin.