Höggmynd í vinnuferli af Ara Skúlassyni landsliðsmanni sem liggur á maganum á meðan er verið að höggva út og laga til á honum höndina.
Jóhann Sigmarsson á vinnustofu sinni.
Búið er að hefja söfnun á Karolinafund fyrir viðarhöggmyndir af íslenska karlalandsliðinu í fótbolta úr yfir 100 ára gömlum drumbum frá Reykjavíkurhöfn.
Jóhann Sigmarsson sér um verkið en hann er búsettur í Vilnius í Litháen þar sem hann vinnur höggmyndirnar.
„Hugmyndin er að skapa 7 gegnheilar viðar höggmyndir úr yfir 100 ára gömlum bryggjudrumbum frá Reykjavíkurhöfn af völdum liðsmönnum úr Íslenska karlalandsliðinu í fótbolta í fullri stærð og setja saman í eina heild," sagði Jóhann við Fótbolta.net.
„Reynt verður að líkja eftir öllum hetjunum okkar og hafa þá eins nákvæma eins og mögulegt er í stellingunni þegar að liðið tekur Víkingaklappið. Hér er sögu, menningu og íþróttum spinnað saman í eitt form."
„Formaður og stjórn Knattspyrnusambands Íslands hefur lýst yfir áhuga sínum á verkefninu og telur að listaverkið “Víkingaklappið” muni vekja mikla athygli fyrir sköpun þess og fanga vel heimsfrægt augnablik í íþróttasögu þjóðarinnar. Áætlað er að setja “Víkingaklappið” upp fyrir utan aðalleikvanginn í Laugardal með áletruðum skjöld um viðkomandi styrkraraðila og stuðningsmanna."
„Kann það að draga þar að fjölmarga ferðamenn og einnig íbúa borgarinnar. Knattspyrnusamband Íslands getur vel mögulega komið að fjármögnun á slíku verki með öðrum áhugasömum aðilum."
Smelltu hér til að styrkja söfnunina á Karolinafund
Efri vinstri ljósmynd / Ksenija Zapadenceva Sigmarsson sagar endurnýtta drumba límda saman frá Reykjavíkurhöfn fyrir höggmynd. Efri hægri ljósmynd / Ksenija Zapadenceva Sigmarsson límir myndir á spjöld af Hr. Aroni Einari Gunnarssyni landsliðsmanni fyrir undirbúning af höggmynd. Neðri ljósmynd / Höggmynd í vinnuferli af Hr. Ara Skúlassyni, landsliðsmanni. Höggmyndirnar eru skapaðar í UAB / Studija Vilnius, samstarfsaðila verkefnisins.
Athugasemdir
