Tottenham vann gífurlega góðan sigur gegn Leicester sem hjálpar Lundúnarliðinu, á þeirri leið sem liðið er, í átt að Evrópudeildarsæti.

James Justin fékk boltann í sig þegar Heung-min Son átti skottilraun í átt að marki Leicester á 6. mínútu og þannig komust heimamenn yfir. Harry Kane skoraði svo tvö mörk áður en flautað var til loka fyrri hálfleiks og sigurinn svo gott sem kominn í hús hjá heimamönnum í Tottenham.

Lucas Moura átti síðustu sendinguna á Kane í báðum mörkunum og það var Kane sjálfur sem átti sendinguna á Son í fyrsta markinu. Leicester hélt boltanum talsvert betur en heimamenn og áttu gestirnir 22 marktilraunir, þar af fimm á markið. Hugo Lloris átti góðan dag í marki Tottenham og hélt markinu hreinu og varði sex skot.

Staðan í deildinni
Tottenham fer uppfyrir Wolves í töflunni en Úlfarnir eiga leik til góða. Tottenham er í sjötta sætinu eins og er, en sjöunda sæti mun einungis gefa Evrópudeildarsæti ef Arsenal vinnur ekki ensku bikarkeppninna. Skytturrnar komust í úrslitaleikinn með sigri í gær.

Tapið er slæmt fyrir Leicester því liðið er nú með sömu markatölu og Manchester United í baráttunni um Meistaradeildarsæti. Sigri United gegn West Ham með þremur mörkum þá má liðið tapa með tveimur gegn Leicester í lokaumferðinni, svo dæmi sé tekið.

Chelsea er einnig í Meistaradeildarbaráttunni , bæði United og Chelsea eru lið sem Jose Mourinho, nú stjóri Spurs, stýrði áður en hann tók við Tottenham. Því má segja að Mourinho sé að gera sínum fyrrum félögum stóran greiða þó svo að leikmenn hans hafi klárað verkefnið inn á vellinum.