Viðar Örn Kjartansson, framherji KA, hefur ekki náð sér á strik í sumar og hefur verið orðaður í burtu frá félaginu.
Hann hefur verið orðaður við uppeldisfélagið sitt, Selfoss, en Bjarni Jóhannsson, þjálfari liðsins, var spurður út í orðróminn eftir sigur liðsins gegn Grindavík í Lengjudeildinni í gær.
Hann hefur verið orðaður við uppeldisfélagið sitt, Selfoss, en Bjarni Jóhannsson, þjálfari liðsins, var spurður út í orðróminn eftir sigur liðsins gegn Grindavík í Lengjudeildinni í gær.
„Ekki svo að mér vitandi. Við erum orðnir ágætlega mannaðir í senterstöðuna. Raúl er kominn til baka og Jón Daði dettur vonandi inn fljótlega."
„Þetta er ekkert nema í fjölmiðlum núna. Hann er leikmaður KA og mér skilst á þjálfara KA að það sé tímaspursmál hvenær hann komi inn. Þetta er ekki í boði að mér vitandi."
Viðar Örn hefur komið við sögu í 12 leikjum í deild og bikar fyrir KA í sumar og hefur ekki skorað ennþá.
Bjarni talaði um að ef meiðsli Jóns Vignis séu alvarleg þá þyrfti félagið að skoða að styrkja miðvarðarstöðuna þar sem Alexander Clive Vokes er á leið út í skóla.
Athugasemdir
