Gunnhildur Yrsa Jónsdóttir lék að sjálfsögðu allan leikinn fyrir Utah Royals þegar liðið gerði jafntefli gegn Sky Blue í New Jersey í gærkvöldi.
Gunnhildur var fengin til Utah fyrir tímabilið og hefur hún verið í mikilvægu hlutverki á sínu fyrsta tímabili. Utah er nýstofnað lið.
Leikurinn í gær byjaði mjög illa fyrir Utah og komst Sky Blue í 2-0. Seinna markið kom í upphafi seinni hálfleiks.
Utah gafst ekki upp og minnkaði muninn á 58. mínútu með sjálfsmarki. Jöfnunarmarkið kom svo úr síðustu spyrnu leiksins. Frábær karakter hjá Utah, en Sky Blue er á botni deildarinnar og því væntanlega Gunnhildur og stöllur svekktar með niðurstöðuna.
Gunnhildur búin að spila flestar mínútur
Gunnhildur er búin að spila flestar mínútur allra leikmanna í deildinni eins og staðan er núna.
Gunnhildur er líka ofarlega í fleiri tölfræðiþáttum, þar á meðal einvígum og sendingum. Mynd af þessu er hér að neðan.
Hvað þýða þessi úrslit?
Utah er með 29 stig í sjötta sæti. Efstu fjögur liðin fara í umspil um meistaratitilinn en Utah á enn möguleika á sæti í úrslitakeppni, þó sá möguleiki sé ekki endilega mjög stór.
Utah á eftir að spila tvo leiki en Gunnhildur er líklega eitthvað með hugann við landsliðsverkefni í byrjun september. Ísland spilar þá við Þýskaland og Tékkland á Laugardalsvelli, en þeir leikir munu skera úr um það hvort Ísland fer á HM eða ekki.
Gunnhildur Yrsa er að rúlla upp Ameríkunni #FotboltiNet pic.twitter.com/GooVVRQbwp
— Maggi Peran (@maggiperan) August 19, 2018
Athugasemdir