Franski miðjumaðurinn Maxime Gonalons er mættur til Sevilla þar sem hann mun gangast undir læknisskoðun og skrifa undir lánssamning á morgun.
Gonalons er 29 ára miðjumaður sem Roma fékk á gjafaprís frá Lyon síðasta sumar, eða rétt rúmlega 5 milljónir evra.
Hann náði ekki að festa sig í sessi hjá Roma og var eftirsóttur af úrvalsdeildarfélögum á borð við Everton, Crystal Palace og West Ham.
Sevilla hafði þó betur í kapphlaupinu á endanum og á miðjumaðurinn að fylla í skarð Steven N'Zonzi, sem fór einmitt til Roma á dögunum.
Í lánssamningi Gonalons er kaupréttur en ekki skylda. Sevilla er talið borga eina milljón evra fyrir lánið og þarf að greiða sjö milljónir í viðbót til að festa kaup á honum.
📣 @MaxGonalons ya está en Sevilla. #vamosmisevilla #LuchaPorLoQueAmas 💪🏽❤️ pic.twitter.com/rwejizbkAz
— Sevilla Fútbol Club (@SevillaFC) August 19, 2018
Athugasemdir
