Alfreð Finnbogason var ekki í leikmannahópi Augsburg er liðið heimsótti D-deildarlið Steinbach Haiger í þýska bikarnum í dag.
Augsburg lenti óvænt í miklu basli gegn Steinbach sem voru betri aðilinn í leiknum og óheppnir að tapa. Þeir verðskulduðu stig í það minnsta.
Marco Richter kom Augsburg yfir í fyrri hálfleik og jafnaði Nico Herzig fyrir heimamenn, skömmu áður en Andre Hahn gerði sigurmarkið. Gestirnir áttu aðeins tvö skot á rammann á móti fimm skotum heimamanna.
Það var ekki margt sem kom á óvart í bikarnum fyrir utan það að Bochum er úr leik eftir tap gegn SC Weiche, sem leikur í D-deildinni.
Borussia Mönchengladbach, Hannover og Köln unnu stærstu sigra fyrstu umferðarinnar og þá komst RB Leipzig einnig áfram.
Steinbach Haiger 1 - 2 Augsburg
Viktoria Köln 1 - 3 RB Leipzig
Hastedt 1 - 11 Borussia M'Gladbach
Karlsruher 0 - 6 Hannover
BFC Dynamo 1 - 9 Köln
SC Weiche 1 - 0 Bochum
1860 München 1 - 3 Holstein Kiel
Jena 2 - 4 Union Berlin
Stendal 0 - 5 Arminia Bielefeld
TuS RW Koblenz 0 - 5 Dusseldorf
Chemie Leipzig 2 - 1 Regensburg
Jeddeloh 2 - 5 Heidenheim
Athugasemdir