Þrír leikmenn taka út leikbann þegar FH og Valur mætast í næstsíðustu umferð Pepsi-deildarinnar á laugardaginn.
Steven Lennon og Pétur Viðarsson fengu báðir rauða spjaldið gegn Vikingi R. á sunnudaginn og taka út bann. Pétur var að fá sitt annað rauða spjald á tímabilinu og í gær var hann úrskurðaður í tveggja leikja bann. Tímabilinu er því lokið hjá honum.
Haukur Páll Sigurðsson, fyrirliði Vals, er einnig í banni eftir að hafa fengið sitt sjöunda gula spjald á tímabilinu í leiknum gegn ÍBV um síðustu helgi.
Björn Berg Bryde og Brynjar Ásgeir Guðmundsson, varnarmenn Grindavíkur, verða í leikbanni gegn KA á sunnudaginn.
Í Inkasso-deildinni verða Axel Sigurðarson og Gísli Martin Sigurðsson hjá ÍR og Sigurður Marinó Kristjánsson hjá Magna í leikbanni á laugardag þegar liðin mætast í hreinum úrslitaleik um það hvort liðið heldur sæti sínu í deildinni.
Í Pepsi-deild kvenna verður Fatma Kara, leikmaður HK/Víkings, í leikbanni í lokaumferðinni gegn KR á laugardag en hún fékk rauða spjaldið gegn ÍBV í fyrrakvöld.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir