Sandra María Jessen er í hópnum að þessu sinni.
„Við erum að fá tvo frábæra leikmenn aftur inn í okkar hóp, leikmenn sem þekkja þetta allt saman, hafa mikla reynslu og spila í efstu deild á Englandi og Þýskalandi," sagði Jón Þór Hauksson landsliðsþjálfari Íslands sem í dag tilkynnti leikmannahóp fyrir æfingaleik gegn Frökkum og leik í undankeppni EM 2021 gegn Lettlandi.
Rakel Hönnudóttir (Reading) og Sandra María Jessen (Bayer Leverkusen) koma inn í hópinn í stað Áslaugar Mundu Gunnlaugsdóttur og Karólínu Leu Vilhjálmsdóttur leikmanna Breiðabliks sem verða látnar taka verkefni með U19 liðinu framyfir.
„Það segir svolítið um breiddina í hópnum og gæðin að þetta eru tveir frábærir sóknarmenn sem koma með aðra hluti inn í okkar hóp og er virkilega spennandi.
Cecilía Rán Rúnarsdóttir markvörður Fylkis er fædd árið 2003 og því gjaldgeng í U19 sem og U19. Jón Þór velur hana samt í A-landsliðið.
„Við tókum þá ákvörðun að þar sem hún er líka gjaldgeng með U17 og er að spila með þeim núna að taka hana í A-landsliðið. Með það í huga að fær sína landsleik með 17 ára liðinu meðan hún er gjaldgeng þar. Þegar hún fer í 19 ára liðið þurfum við að velja verkefnin fyrir hana varðandi A og 19 ára landsliðið."
Nánar er rætt við Jón Þór í sjónvarinu að ofan.
