Enska knattspyrnusambandið hefur gefið Jose Mourinho lengri frest til að svara fyrir ákæruna vegna orða sem hann sagði eftir sigurleikinn gegn Newcastle.

Mourinho átti að fá tíma til að svara fram á kvöld en fær nú frest fram á miðvikudagskvöld.

Ákæran hefur skapað talsverða umræðu en enska knattspyrnusambandið er talið hafa grafið of langt með því að fá varalesara til að komast að því hvað Mourinho sagði fyrir framan sjónvarpsmyndavél.

Frestunin gerir það að verkum að staðfest er að Mourinho verði á hliðarlínunni á morgun þegar United mætir Chelsea.