fös 19. október 2018 13:11
Elvar Geir Magnússon
Sarri tjáði sig um Hazard, Mourinho og meiðslastöðuna
Maurizio Sarri, stjóri Chelsea.
Maurizio Sarri, stjóri Chelsea.
Mynd: Getty Images
Maurizio Sarri, stjóri Chelsea, sat fyrir svörum á fréttamannafundi í London í hádeginu en bláliðar eiga hádegisleik gegn Manchester United í ensku úrvalsdeildinni á morgun.

Á fundinum fór hann yfir meiðslastöðu Chelsea og sagði að Antonio Rudiger og Mateo Kovacic væru orðnir góðir og ættu að geta spilað.

Hinn ungi Ethan Ampadu spilar ekki á næstunni en meiðsli hans eru alvarleg. Þá eru Callum Hudson-Odoi og Ross Barkley að glíma við smávægileg meiðsli.

Hazard alltaf ánægður
Á fundinum var Sarri spurður út í Eden Hazard, sem er af mörgum talinn einn af þremur bestu leikmönnum heims.

„Hann er stórkostlegur leikmaður. Það verður mikilvægt fyrir okkur ef hann verður áfram. Hann getur unnið allt hjá okkur, líka gullknöttinn. Chelsea er lið sem getur unnið Meistaradeildina og Belgía getur unnið Þjóðadeildina. Hann þarf ekki að fara til Spánar," segir Sarri.

Hazard er orðaður við Real Madrid en fyrrum forseti Real Madrid hefur sagt að Hazard sé haldið sem þræli í London.

„Það held ég ekki," sagði Sarri hlæjandi þegar hann var spurður út í þau ummæli. „Síðustu þrjá mánuði hef ég alltaf séð hann mjög ánægðan. Þetta er ekki satt."

Mourinho einn besti stjóri heims
Sarri um Mourinho:

„Við erum að tala um stjóra sem hefur unnið allt. Það þurfa allir að sýna honum virðingu. Ég tel hann einn besta stjóra í heimi. Manchester United er að gera vel í Meistaradeildinni og getur bætt stöðu sína í deildinni."

Um sögusagnir um að Alvaro Morata gæti yfirgefið Chelsea í janúar:

„Blöðin þekkja mig ekki mjög vel. Ég er algjörlega einbeittur á að bæta mitt lið og leikmenn. Morata hefur spilað betur undafarinn mánuð og undanfarna daga hefur hann verið mjög öflugur á æfingum," sagði Sarri.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner