Enskir fjölmiðlamenn sem fylgdust með æfingunni sögðu að Salah hafi verið í sérstaklega góðu skapi en hann hefur verið mikið í umræðunni enda ekki náð sömu hæðum og á síðasta tímabili.

Einnig var létt yfir Van Dijk sem spjallaði brosandi við varnarfélaga sinn Joe Gomez meðan þeir skokkuðu í upphitun.

Talið er að Naby Keita verði frá í tvær vikur og þá er Sadio Mane að glíma við meiðsli á hendi.

Liverpool er á toppi ensku úrvalsdeildarinnar ásamt Chelsea og Manchester City en öll liðin eru með 20 stig.

Dagskráin framundan hjá Liverpool ætti að vera nokkuð þægileg. Eftir leikinn gegn Huddersfield verður spilað gegn Rauðu stjörnunni í Meistaradeildinni á heimavelli og svo gegn Cardiff í deildinni. Þetta ættu að vera níu stig fyrir Liverpool.

Sjá einnig:
Lallana klár í slaginn

Embed from Getty Images