Ensk úrvalsdeildarfélög hafa kosið með því að setja tímabundið bann á stóra auglýsingasamninga sem tengjast eigendum félaganna. Þetta var ákveðið í kjölfar þess að fjárfestingasjóður Sádi-Arabíu keypti Newcastle.
Newcastle kaus á móti tímabundna banninu en Manchester City sat hjá. Bæði félög hafa sett spurningamerki við hvort bannið sé löglegt. Hin átján félögin kusu með því.
Newcastle kaus á móti tímabundna banninu en Manchester City sat hjá. Bæði félög hafa sett spurningamerki við hvort bannið sé löglegt. Hin átján félögin kusu með því.
Bannið gildir í einn mánuð og á meðan munu eigendurnir ræða þetta mál frekar.
Sett hafa verið spurningamerki við að nýir eigendur Newcastle hafi staðist ákveðið próf sem eigendur félaga í ensku úrvalsdeildinni þurfa að standast.
Andrea Radriazzani eigandi Leeds sagði í síðustu viku að það þyrfti að efla fjárhagsreglur í ensku úrvalsdeildinni svo félögin „séu að spila sama leikinn".
Krónprinsinn í Sádi-Arabíu, Mohammed bin Salman, er einn aðalmaðurinn bak við kaupin á Newcastle sem skyndilega er orðið ríkasta fótboltafélag heims.
Fjöldi félaga í Evrópu eru með auglýsingasamninga sem tengjast eigendum sínum. Leikvangur, æfingasvæði og treyjur Manchester City eru styrktar af Etihad flugfélaginu frá Abu Dhabi svo dæmi sé tekið.
Athugasemdir