Barcelona mun annað kvöld mæta Dynamo Kiev á Nývangi í Meistaradeildinni. Barca má ekki misstíga sig eftir að hafa tapað fyrstu tveimur leikjum sínum í riðlinum, gegn Bayern München og Benfica.
Börsungar eru fjórum stigum á eftir Benfica og sex stigum á eftir Bayern.
Barcelona opinberaði í dag leikmannalista sinn fyrir leikinn, alls eru fjórir leikmenn fjarverandi en það var viðbúið.
Ousmane Dembele, Pedri og Martin Braithwaite eru allir enn á meiðslalistanum og þá tekur varnarmaðurinn Eric Garcia út leikbann eftir að hafa fengið rautt spjald í síðasta Meistaradeildarleik.
🚨 𝙎𝙌𝙐𝘼𝘿 𝙇𝙄𝙎𝙏 ! 🚨 #BarçaDynamo pic.twitter.com/oKY7uoRwB8
— FC Barcelona (@FCBarcelona) October 19, 2021
Athugasemdir