Heimild: RÚV
Gylfi Þór Sigurðsson, leikmaður Everton, verður áfram laus gegn tryggingu til 16. janúar. Þetta staðfestir lögreglan á Manchester-svæðinu í skriflegu svari til fréttastofu RÚV.
Gylfi var handtekinn um miðjan júlí vegna gruns um kynferðisbrot gegn ólögráða einstaklingi og hefur ekkert spilað fyrir Everton eða íslenska landsliðið síðan.
Af lagalegum ástæðum hefur hann ekki enn verið nafngreindur í breskum fjölmiðlum.
Engar upplýsingar hafa fengist um hvers eðlis brotið er, annað en að það snúist um kynferðisbrot gegn barni.
Athugasemdir