Snemma á síðustu leiktíð meiddist hann illa eftir tæklingu frá Jordan Pickford markverði Everton og missti af öllu tímabilinu.

Liverpool náði ekki að fylgja eftir góðum árangri frá tímabilinu á undan.

Van Dijk var í viðtali fyrir leikinn gegn Atletico Madrid í kvöld þar sem hann var spurður út í standið á sér í dag.

„Ég er ánægður á þeim stað sem ég er í dag. Ég er að spila á hæsta stigi aftur, spila með mikilli gleði. Ég á enn langt í land, það eina sem ég get gert er að taka einn dag í einu. Ég er ekki vélmenni, ég er að koma til baka eftir slæm meiðsli. Ég held að það séu ekki mörg dæmi um að leikmenn með slæm hné meiðsli verði uppá sitt besta ári síðar," sagði Van Dijk.

„Ég veit að það eru mörg augu á mér að hugsa: 'mun hann komast í sitt besta form aftur?' Það eina sem ég get gert er að reyna mitt besta í hverjum einasta leik. Ég er minn besti gagnrýnandi og ég veit nákvæmlega hvað ég þarf að gera til að verða betri. Þetta er á réttri leið og mér líður vel."