Darwin Nunez bætti hraðamet ensku úrvalsdeildarinnar

Nunez átti flottan leik og komst nálægt því að bæta við öðru marki en honum tókst þó að bæta eitt met í leiknum.

Hann bætti hraðamet ensku úrvalsdeildarinnar sem Kyle Walker setti í júní 2020, þegar hann mældist á 37,8km hraða.

Nunez mældist á 38km hraða gegn Hömrunum í kvöld samkvæmt hlaupatölum ensku úrvalsdeildarinnar. Portúgalski miðillinn A Bola greinir frá þessu í kvöld.

Liverpool keypti Nunez í sumar fyrir 75 milljónir evra sem gætu hækkað upp í 100 milljónir verði ákveðnum markmiðum mætt. Nunez fór hægt af stað en er núna búinn að skora þrjú mörk í síðustu þremur byrjunarliðsleikjum.