McTominay ánægður með að leikmenn Man Utd ræði málin

<i>„Ég er mun jákvæðari eftir gengi liðsins undanförnu,"</I> sagði Scott McTominay, miðjumaður Manchester United, í viðtali á heimasíðu félagsins.

Manchester United er í 7. sæti í ensku úrvalsdeildinni en hann er ánægður með hvernig leikmannahópurinn hefur staðið saman í gegnum erfiða byrjun á tímabilinu.

<i>„Það eru jákvæð teikn á lofti. Við höfum rætt um hluti sem við getum bætt og hvernig við getum reynt að bæta okkur fyrir lok tímabilsins,"</I> sagði McTominay en hann segir leikmenn vera duglega að ræða málin.