HM í Katar hefst á morgun sunnudag með opnunarleik Katar og Ekvador. FIFA hefur opinberað að Daniele Orsato muni dæma opnunarleikinn en hann er 46 ára gamall.

Hann er að dæma á sínu fyrsta HM en hefur þó mikla reynslu og dæmt á alþjóðlegum vettvangi síðan 2010.

Orsato er ítalskur og dæmdi úrslitaleik PSG og Bayern München í Meistaradeildinni 2020.

Fjölmargir dómarar starfa á HM í Katar en þar á meðal eru nokkrir kvenkyns dómarar. Í fyrsta sinn í sögunni mun kona verða dómari á leik á HM karla.