Man Utd reynir við Branthwaite - Slot hefur áhuga á Watkins - Sesko efstur á blaði Arsenal
   lau 19. desember 2020 08:00
KDA
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Elsta starfandi knattspyrnudómarafélag landsins 50 ára
KDA
KDA
ÍA hlaut dómaraverðlaunin 2018.
ÍA hlaut dómaraverðlaunin 2018.
Mynd: KDA
Mynd: KDA
Ívar Orri Kristjánsson með verðlaunagripina fyrir að vera valinn Besti dómari KDA 2020.
Ívar Orri Kristjánsson með verðlaunagripina fyrir að vera valinn Besti dómari KDA 2020.
Mynd: KDA
Arnþór Helgi með verðlaunagripina fyrir að vera valinn Efnilegasti dómari KDA 2020 og besti dómarinn að mati þjálfara ÍA.
Arnþór Helgi með verðlaunagripina fyrir að vera valinn Efnilegasti dómari KDA 2020 og besti dómarinn að mati þjálfara ÍA.
Mynd: KDA
Árið 1970 stofnuðu þeir Guðjón Finnbogason og Friðjón Edvardsson ásamt fleiri Skagamönnum knattspyrnudómarafélag sem fékk heitið Knattspyrnudómarafélag Akraness eða KDA eins og það þekkist í dag.

Félagið hefur starfað sleitulaust frá stofnun þess til dagsins í dag og er elsta starfandi knattspyrnudómarafélag landsins, þótt víðar mætti leita. Í gegnum tíðina hefur KDA átt fjölmarga dómara sem starfa og hafa starfað á efsta stigi knattspyrnunnar á Íslandi. Sá fyrsti var Guðjón Finnbogason og fylgdu margir fast á eftir honum svo sem Sæmundur Víglundsson, Sævar Jónsson, Valgeir Valgeirsson og Ívar Orri Kristjánsson. Einnig hafa margir aðstoðardómarar (eða línuverðir eins og starfið hét þegar félagið var stofnað) starfað á efsta stiginu, má þar nefna Smára Vífilsson, Halldór Breiðfjörð, Björn Valdimarsson, Steinar Berg Sævarsson, Egil Guðvarð Guðlaugsson og Guðmund Valgeirsson. Núverandi félagsmenn KDA eru 21 og starfa þeir í yngri flokkum á Akranesi og einnig dæma flestir þeirra í deildakeppnum KSÍ. KDA er það félag á Íslandi sem útvegar KSÍ flesta dómara allra liða á landinu. Í dag starfa fimm dómarar í efstu deild karla og þar af eru tveir alþjóðadómarar, þeir Ívar Orri og Egill Guðvarður.

KDA/ÍA hefur fengið fjölmörg verðlaun fyrir dómgæslu í gegnum tíðina og má þar nefna að í fjórgang hefur félagið fengið dómaraverðlaun KSÍ sem veitt eru árlega á ársþingi KSÍ, nú síðast fyrir árið 2018. Verðlaunin eru veitt því félagi sem skarar fram úr í grasrótarstarfi er tengjast dómaramálum.

Það getur verið mikill ávinningur á því að starfa sem dómari. Ásamt því að fá greitt fyrir dómastörf þá fellst í því góð hreyfing, besta staðsetning vallarins, skírteini sem veitir aðgang á flesta knattspyrnuleiki á Íslandi ásamt ýmissa annarra fríðinda. Meðlimir KDA fá einnig frítt í sund og þreksal á Akranesi auk fleiri hlunninda. Ár hvert er haldið dómaranámskeið og hvetur KDA fólk til að slást í för dómara og taka þátt í frábæru félagsstarfi. Það er alltaf nóg pláss fyrir nýja dómara, hvort sem það er hjá KDA/ÍA eða öðrum félögum. Áhugasömum einstaklingum er bent á að hafa samband við sitt félagslið eða KSÍ til nánari upplýsinga.

Nú í vor fagnaði félagið 50 ára afmæli og stóð mikið til á árinu, m.a. afmælisveisla og afmælisferð til Englands í æfinga- og endurmenntunarferð. Þar var ætlunin að heimsækja dómarafélög á Englandi, skoða aðstæður hjá þeim og dæma leiki hjá yngri flokkum svo eitthvað sé nefnt. Að auki var stefnt á að skoða starfsemi knattspyrnufélaga og auðvitað fara á leiki í ensku úrvalsdeildinni. Einnig var ætlunin að hitta dómara sem dæma í efsta flokki á Englandi. Því miður varð ekkert úr þessum viðburðum vegna faraldursins en KDA menn eru ekki þekktir fyrir að gefast upp og ætla í slíka ferð um leið og færi gefst sem verður vonandi næsta haust. Eins er stefnan sett á afmælisveislu á vormánuðum þar sem núverandi og fyrrverandi KDA meðlimum verður boðið í léttar veitingar.

Í tilefni afmælis KDA veitti KSÍ eftirfarandi dómurum heiðursnælur KSÍ sem Guðni Bergsson formaður KSÍ tilkynnti félagsmönnum á rafrænu lokahófi KDA þann 4.desember sl:

Heiðursmerki KSÍ úr silfri
Guðmundur Valgeirsson
Jónas Geirsson
Steinar Berg Sævarsson
Sævar Jónsson
Valgeir Valgeirsson
Ægir Magnússon

Heiðursmerki KSÍ úr gulli
Halldór Breiðfjörð Jóhannsson

KDA vill nota tækifærið og þakka eftirfarandi fyrirtækjum fyrir veittan stuðning í tengslum við afmæli félagsins:
@home – Bílasprautun Vesturlands – Bílver - Bílaverkstæði Hjalta - Blikksmiðja Guðmundar – Domus Nova fasteignasala - Fasteignasalan Hákot – Henson – KSÍ - Kjöthúsið – Lindex – Nesafl – Olís - Rammar og myndir – Samkaup – Saumastofa Helgi Jenssonar – Sjóvá-Almennar – Topp útlit – Útgerð Eymars Einarssonar

Eins og áður hefur komið fram var haldið rafrænt lokahóf KDA þann 4.desember. Þar var tilkynnt um árlegt val á Besta dómara KDA 2020, Efnilegasta dómara KDA 2020, Verðmætasta dómara KDA 2020 Besta dómara yngriflokka ÍA sem valið er af þjálfurum ÍA.

Besti dómari KDA 2020
Ívar Orri Kristjánsson

Efnilegasti dómari KDA 2020
Arnþór Helgi Gíslason

Verðmætasti dómari KDA 2020
Gilmar Þór Benediktsson

Besti dómari að mati þjálfara ÍA 2020
Arnþór Helgi Gíslason
Athugasemdir
banner
banner
banner