Lopetegui stýrir Úlfunum í fyrsta sinn - Segir Raul Jimenez vera orðinn betri
Julen Lopetegui.
Mynd: Getty Images
Julen Lopetegui.
Mynd: Getty Images
Spánverjinn Julen Lopetegui stýrir Wolves í fyrsta sinn annað kvöld, þegar liðið leikur gegn D-deildarliðinu Gillingham í deildabikarnum. Á öðrum degi jóla er svo leikur gegn Everton í úrvalsdeildinni.
Á fréttamannafundi í dag ræddi Lopetegui meðal annars um sóknarmanninn Raul Jimenez sem var með Mexíkó á HM í Katar. Hann kom inn í mótið eftir að hafa verið meiddur á nára.
Á fréttamannafundi í dag ræddi Lopetegui meðal annars um sóknarmanninn Raul Jimenez sem var með Mexíkó á HM í Katar. Hann kom inn í mótið eftir að hafa verið meiddur á nára.
„Hann fékk smá frí eftir að Mexíkó féll úr leik á HM og hann er orðinn betri. Hann hefur lagt mikið á sig til að styrkja líkama sinn. Hann fær tækifæri á morgun," segir Lopetegui en Jimenez hefur aðeins komið við sögu í þremur úrvalsdeildarleikjum á þessu tímabili.
„Það er mikil lífsreynsla að spila á HM en á morgun snýst þetta um að hjálpa liðinu að komast í næstu umferð."
Lopetegui var stjóri Sevilla 2019-2022 en hann tók við Wolves í nóvember. Hann er fyrrum stjóri spænska landsliðsins og Real Madrid.
„Það er mikil lífsreynsla að spila á HM en á morgun snýst þetta um að hjálpa liðinu að komast í næstu umferð."
Lopetegui var stjóri Sevilla 2019-2022 en hann tók við Wolves í nóvember. Hann er fyrrum stjóri spænska landsliðsins og Real Madrid.
Raul Jimenez.
Mynd: Getty Images
