England í dag - Úlfarnir á Stamford Bridge

Síðasti leikur 22. umferðar í úrvalsdeildinni fer fram í kvöld þegar Chelsea fær Wolves í heimsókn.

Chelsea hóf tímabilið virkilega vel en gengið fór að dala í kringum jólin og liðið hefur ekki unnið í fjórum leikjum í röð.

Úlfarnir hafa ekki unnið í þremur leikjum í röð og er fyrir ofan fallsæti á markatölu en markatalan hjá Ipswich varð ansi slæm eftir tapið gegn Man City í gær.

Það er mikil óvissa í kringum framtíð Matheus Cunha en hann virðist vera búinn að gera munnlegt samkomulag um nýjan samning en ekkert hefur verið staðfest ennþá. Hann hefur verið besti leikmaður liðsins en hann hefur skorað tíu mörk og lagt upp fjögur.