Evrópa í dag - Leikið á Ítalíu og á Spáni

Það er spilað í ítölsku og spænsku deildinni í kvöld en Como tekur á móti Udinese á Ítalíu og Villarreal fær Mallorca í heimsókn á Spáni.

Como er nýliði og er fyir ofan fallsæti á markatölu en Udinese er um miðja deild.

Dele Alli gekk til liðs við Como í gær en það eru tæp tvö ár síðan hann spilaði fótbolta. Það er því stórt spurningamerki hvort hann muni taka nokkurn þátt í kvöld.

Villarreal og Mallorca eru í harðri baráttu um Evrópusæti en liðin eru með jafnmörg stig, 30, í 5. og 6. sæti deildarinnar. Liðin eru tveimur stigum á undan Orra Steini og félögum í Real Sociedad en níu stig eru upp í Athletic Bilbao sem situr í 4. sæti.