Bayern gerði markalaust jafntefli við Liverpool í fyrri leik liðanna í 16-liða úrslitum Meistaradeildarinnar í gær.
Niko Kovac, stjóri Bayern, var sáttur með úrslitin, en hans menn sýndu alvöru þýskan aga og vörðust vel.
Auk þess að sýna mikinn aga þá notaði Bayern líka nokkrar brellur eins og að gera sér upp meiðsli á lokamínútunum. Kovac viðurkenndi þetta eftir leik.
„Þið vitið hvernig þetta virkar. Undir lok leiksins reyndum við að vinna tíma," sagði Kovac við Sky Sports í Þýskalandi eftir leikinn.
„Javi Martinez var ekki með krampa, hann var að þykjast. Með þessum reyndum við að róa leikinn. (Kingsley) Coman gerði það sama í þýska bikarnum fyrir tveimur vikum."
Það er allt galopið í þessu einvígi fyrir seinni leikinn sem fer fram í Bæjaralandi um miðjan mars.
Bayern's bid for the #Oscars
— DW Sports (@dw_sports) February 20, 2019
Niko Kovac - Best Director
Javi Martinez - Best Actor
Thiago Alcantara - Best Supporting Actor#FCB #UCL #LFCFCB #LIVBAY pic.twitter.com/FA407qTVv0
Athugasemdir