banner
   mið 20. febrúar 2019 09:38
Elvar Geir Magnússon
Matti Villa skoraði aftur á Spáni
Matti skoraði í sólinni.
Matti skoraði í sólinni.
Mynd: Fótbolti.net - Elvar Geir Magnússon
Matthías Vilhjálmsson spilaði allan leikinn fyrir Valerenga og skoraði síðasta markið í 3-0 sigri gegn eistnesku meisturunum í Nomme Kalju í æfingaleik í gær.

Leikurinn fór fram á Marbella á Spáni en þar dvelur Valerenga í æfingabúðum og býr sig undir nýtt tímabil í norsku úrvalsdeildinni sem fer af stað 30. mars.

Matthías er 32 ára en hann færði sig um set í janúarmánuði þegar hann yfirgaf Rosenborg.

Byrjun hans í búningi Valerenga er lofandi en á dögunum skoraði hann í 1-1 jafntefli gegn rússneska liðinu Rostov í æfingaleik sem einnig fór fram á Marbella.

Þess má geta að Valerenga hafnaði í sjötta sæti norsku deildarinnar í fyrra.
Athugasemdir
banner
banner
banner
banner
banner