Celtic tapaði 2-0 í fyrri leik sínum gegn Valencia í 32-liða úrslitum Evrópudeildarinnar. Leikurinn fór fram á heimavelli Celtic í Skotlandi.
Liðin mætast aftur á Spáni á morgun, en Brendan Rodgers, stjóri Celtic, fer bjartsýnn inn í einvígið þrátt fyrir að staðan sé ekki sú besta fyrir hans menn.
Liðin mætast aftur á Spáni á morgun, en Brendan Rodgers, stjóri Celtic, fer bjartsýnn inn í einvígið þrátt fyrir að staðan sé ekki sú besta fyrir hans menn.
„Fyrsta markið í þessum leik verður mjög mikilvægt," sagði Rodgers við heimasíðu Celtic.
„Ef við náum fyrsta markinu þá þurfum við ekki að gera neitt í æsingi eftir það. Við þurfum þá bara að róa okkar leik og finna sjálfstraustið."
Tölfræðin er ekki með Celtic í liði. Valencia hefur ekki fengið á sig mark í síðustu þremur heimaleikjum og er Juventus eina liðið í spænsku úrvalsdeildinni eða Meistaradeildinni sem hefur skorað meira en eitt mark á Mestalla á þessu tímabili.
Athugasemdir
