Hinn efnilegi Callum Hudson-Odoi virðist vera kominn aftur út í kuldann hjá Chelsea.
Bayern München vildi kaupa Hudson-Odoi í janúar og gerði nokkur tilboð í hann. Þeim var öllum hafnað þrátt fyrir að Bayern hefði boðið allt að 35 milljónum punda.
Hinn 18 ára gamli Hudson-Odoi vildi fara til Bayern í von um að fá fleiri mínútur inn á fótboltavellinum.
Maurizio Sarri, stjóri Chelsea, spilaði Hudson-Odoi mikið í janúar og fékk 199 mínútur í öllum keppnum. Hann hafði fengið 214 mínútur fyrir Chelsea í öllum keppnum fimm mánuðum fyrir janúargluggann.
Síðan glugginn lokaði hefur hann hins vegar aðeins spilað 19 mínútur. Þetta hefur vakið athygli.
Hann fékk 13 mínútur gegn Huddersfield í ensku úrvalsdeildinni og sex mínútur gegn Malmö í Evrópudeildinni. Hann var ekki í hóp í 6-0 tapinu gegn Manchester City og var ónotaður varamaður í 2-0 tapinu gegn Manchester United á mánudag.
Það var í raun ótrúlegt að hann skyldi ekki fá tækifæri gegn United. Chelsea var 2-0 undir, en Sarri ákvað frekar að skipta bakverðinum Davide Zappacosta inn á.
Chelsea hefur verið að spila illa að undanförnu. Það gæti varla skemmt fyrir að gefa Hudson-Odoi tækifæri.
After an uptick in minutes in January, it looks like a return to the fringes for Callum Hudson-Odoi. pic.twitter.com/wy9aGLJOby
— Football on BT Sport (@btsportfootball) February 19, 2019
"You don't know what you're doing" #cfc fans singing at Sarri after he brings on Barkley when they'd been chanting for Hudson-Odoi.
— Henry Winter (@henrywinter) February 18, 2019
Athugasemdir