KV lagði Ægi í Vesturbænum
Upplýsingar hafa borist úr tveimur leikjum sem fóru fram í B-deild Lengjubikarsins í gærkvöldi.
Kári skoraði þar fjögur mörk gegn ÍH á meðan KV hafði betur gegn Ægi.
Kári komst í tveggja marka forystu gegn ÍH en Atli Hrafnkelsson minnkaði muninn og var staðan 2-1 í leikhlé.
Garðar Bergmann Gunnlaugsson tvöfaldaði forystu Kára í upphafi síðari hálfleiks og var leikurinn úti þegar fjórða markið leit dagsins ljós á 65. mínútu. Ísak Örn Einarsson varð þá fyrir því óláni að skora í eigið mark.
Í Vesturbænum tók Valdimar Daði Sævarsson forystuna fyrir KV og var staðan 1-0 allt þar til undir lokin, þegar Kristinn Daníel Kristinsson innsiglaði sigur KV.
Báðir leikirnir voru í fyrstu umferð keppninnar.
Kári 4 - 1 ÍH
1-0 Breki Þór Hermannsson ('20)
2-0 Andri Júlíusson ('23)
2-1 Atli Hrafnkelsson ('37)
3-1 Garðar Bergmann Gunnlaugsson ('48)
4-1 Ísak Örn Einarsson ('65, sjálfsmark)
KV 2 - 0 Ægir
1-0 Valdimar Daði Sævarsson ('17)
2-0 Kristinn Daníel Kristinsson ('89)
Athugasemdir
