Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
   þri 20. febrúar 2024 22:55
Brynjar Ingi Erluson
Guardiola býst við þriggja hesta titilbaráttu - „Þeir hafa gert ótrúlega hluti“
Guardiola og Erling Braut Haaland
Guardiola og Erling Braut Haaland
Mynd: EPA
Pep Guardiola
Pep Guardiola
Mynd: Getty Images
Pep Guardiola, stjóri Manchester City, býst við þriggja liða baráttu um titilinn í ár.

Lærisveinar hans komust upp í annað sæti úrvalsdeildarinnar með 1-0 sigrinum á Brentford og eru nú aðeins stigi á eftir toppliði Liverpool.

Fæðingin í kvöld var erfið en tókst að lokum. Erling Braut Haaland, sem var langbesti maður Man City á síðasta tímabili, gerði sigurmarkið þegar tuttugu mínútur voru efitr af leiknum.

„Þetta er svo erfitt lið að eiga við. Á síðasta tímabili töpuðum við sex stigum gegn Brentford. Þeir hafa þennan eiginleika með Ivan Toney, sem er alger fyrirmyndarleikmaður. Hann er ótrúlega góður en svo eru þeir líka góðir í aukaspyrnum, innköstum og öðru.“

„Við fengum mörg færi miðað við hversu erfitt það er að spila við þá og unnum leikinn sem við áttum til góða. Frammistaðan var mjög góð og enn og aftur er ég ánægður með úrslitin.“

„Við fengum færri færi í seinni en í fyrri. Við áttum í örlitlu basli með síðari hálfleikinn, en leikmennirnir hafa í mörg ár gert ótrúlega hluti og eru enn að.“


Það má sjá að Erling Braut Haaland er ekki alveg búinn að vera upp á sitt besta síðan hann snéri aftur úr meiðslum, en er þó að reynast liðinu mikilvægur á ögurstundu.

„Hann hefur verið frá í langan tíma en er alltaf ógn í þessum aðstæðum. Við þurfum svona leikmenn. Erling gerir sína vinnu þó svo einhver efist ágæti hans. Þú verður að gera mistök og hann er ótrúlegur leikmaður.“

Guardiola býst þá við því að Man City muni berjast við Arsenal og Liverpool um titilinn þetta tímabilið.

„Það er löng leið og margir leikir eftir. Auðvitað er betra að vinna en við misstum af tækifæri gegn Chelsea. Ég er ótrúlega stoltur af liðinu. Við erum að færast nær en akkúrat núna erum við í að fara í gegnum aðalhluta tímabilsins. Þetta er erfitt og það verða erfiðir leikir á þessum kafla. Við erum þarna.“

„Ég held að það verði þrjú lið þarna og kannski er hægt að bæta við fleirum á næstu vikum. Ég veit það ekki en ég er nokkuð viss um að Arsenal og Liverpool verði þarna í lok tímabils,“
sagði hann í lokin.
Stöðutaflan England Premier league - karlar
  L U J T ms: mf: mun Stig
1 Arsenal 33 23 5 5 77 26 +51 74
2 Liverpool 33 22 8 3 75 32 +43 74
3 Man City 32 22 7 3 76 32 +44 73
4 Aston Villa 34 20 6 8 71 50 +21 66
5 Tottenham 32 18 6 8 65 49 +16 60
6 Newcastle 32 15 5 12 69 52 +17 50
7 Man Utd 32 15 5 12 47 48 -1 50
8 West Ham 34 13 9 12 54 63 -9 48
9 Chelsea 31 13 8 10 61 52 +9 47
10 Brighton 32 11 11 10 52 50 +2 44
11 Wolves 33 12 7 14 46 53 -7 43
12 Fulham 34 12 6 16 50 54 -4 42
13 Bournemouth 33 11 9 13 48 60 -12 42
14 Crystal Palace 33 9 9 15 42 56 -14 36
15 Brentford 34 9 8 17 52 59 -7 35
16 Everton 33 10 8 15 34 48 -14 30
17 Nott. Forest 34 7 9 18 42 60 -18 26
18 Luton 34 6 7 21 47 75 -28 25
19 Burnley 34 5 8 21 37 69 -32 23
20 Sheffield Utd 33 3 7 23 31 88 -57 16
Athugasemdir
banner
banner
banner