Björn Bergmann Sigurðarson getur ekki leikið með íslenska landsliðinu í komandi leikjum í undankeppni EM sem fram fara í Andorra á föstudaginn og í Frakklandi á mánudaginn.
Þetta staðfesti Freyr Alexandersson aðstoðarlandsliðsþjálfari Íslands rétt fyrir æfingu landsliðsins í morgun.
Þetta staðfesti Freyr Alexandersson aðstoðarlandsliðsþjálfari Íslands rétt fyrir æfingu landsliðsins í morgun.
Björn Bergmann hefur verið tæpur í vikunni og var framherjinn Viðar Örn Kjartansson kallaður inn í landsliðshópinn í gær vegna þessa.
Nú er hinsvegar orðið ljóst að meiðsli Björns Bergmann á fæti eru meiri en haldið var í fyrstu og fer hann því heim til Rostov í Rússlandi seinni partinn í dag.
Þetta er mikið áfall fyrir íslenska landsliðið því fyrir voru ekki margir framherjar í hópnum. Alfreð Finnbogason er einn af þeim framherjum sem eru í hópnum en hann lék sinn fyrsta leik síðustu helgi eftir hafa verið frá í mánuð.
Athugasemdir