Gylfi á landsliðsæfingu
Gylfi Þór Sigurðsson hefur ekki miklar áhyggjur þó langt sé síðan Ísland vann leik.
Ísland er að búa sig undir leik gegn Andorra á föstudag og svo verður leikið gegn heimsmeisturum Frakklands á mánudag. Um er að ræða fyrstu tvo leikina í undankeppni EM.
Gylfi ræddi við fjölmiðla fyrir æfingu í Peralada í dag.
Ísland er að búa sig undir leik gegn Andorra á föstudag og svo verður leikið gegn heimsmeisturum Frakklands á mánudag. Um er að ræða fyrstu tvo leikina í undankeppni EM.
Gylfi ræddi við fjölmiðla fyrir æfingu í Peralada í dag.
„Persónulega hef ég ekkert rosalega miklar áhyggjur af þessu. Það hefur vantað heilmikið af lykilmönnum hjá okkur og við höfum ekki efni á því að tapa mörgum leikmönnum. Sem betur fer er ný keppni að byrja og þið getið dæmt okkur af þessum leikjum," segir Gylfi.
Hungrið enn til staðar
„Við erum flestir á besta aldri í liðinu. Möguleikinn á að komast á fleiri stórmót er til staðar. Metnaðurinn hjá flestum er að upplifa sömu tilfinningar og móment og við höfum gert undanfarin ár. Hungrið er enn til staðar."
Gylfi segir að menn megi ekki vanmeta Andorra.
„Ef við höldum að þetta verði létt þá getur þetta orðið erfitt. Það er erfitt að spila á móti þeim úti. Við þurfum að byrja af krafti og vonandi skorum við sem fyrst. Þú þarft að taka sex stig gegn Andorra til að komast í lokakeppnina," segir Gylfi en í viðtalinu ræðir hann einnig um Everton.
Athugasemdir
