Mikið hefur verið rætt um mál Þórarins Inga Valdimarssonar sem fékk rautt spjald í leik Stjörnunnar og Leiknis R. í Lengjubikarnum um helgina.
Þórarinn lét frá sér móðgandi ummæli um geðsjúkdóm andstæðings sins og var ekki settur í lengra bann eftir fund aga- og úrskurðarnefndar.
Þetta hefur vakið hörð viðbrögð meðal almennings og gaf Leiknir R. frá sér harðorða yfirlýsingu þar sem spjótunum var beint að Knattspyrnusambandi Íslands.
KSÍ hefur svarað fyrir sig með lýsingu á hlutverki, skipulagi og verklagi aga- og úrskurðarnefndar.
„Af gefnu tilefni vill KSÍ koma því á framfæri að aga- og úrskurðarnefnd er sjálfstætt úrskurðarvald knattspyrnuhreyfingarinnar og starfar óháð stjórn KSÍ, öðrum nefndum, skrifstofu KSÍ, eða öðrum aðilum og einingum innan knattspyrnuhreyfingarinnar. Hlutverki, skipulagi og verklagi aga- og úrskurðarnefndar er lýst í lögum KSÍ, reglugerð KSÍ um aga- og úrskurðarmál og starfsreglum nefndarinnar. Þá er agareglum í deildarbikar lýst í sérstakri reglugerð um þá keppni."
Lög KSÍ
Reglugerð KSÍ um aga- og úrskurðarmál
Starfsreglur aga- og úrskurðarnefndar
Reglugerð KSÍ um deildarbikarkeppni karla
Athugasemdir