Sveindís Jane Jónsdóttir gerði þrennu er Keflavík vann KR 4-0 í B-deild Lengjubikarsins í kvöld.

Sveindís, sem er ein efnilegasta knattspyrnukona Íslands, kom Keflavík yfir á 5. mínútu áður en hún bætti við öðru á 21. mínútu. Þá fullkomnaði hún þrennuna tveimur mínútum síðar.

Maired Clare Fulton skoraði fjórða og síðasta mark Keflavíkur á 32. mínútu og þar við sat.

Lokatölur 4-0 og Keflavík í efsta sæti B-deildar með 9 stig á meðan KR er í 5. sæti með 3 stig.