Enski landsliðsmaðurinn Jadon Sancho er besti ungi leikmaður heims en það er Nxgn og Goal.com sem velja þetta á hverju ári.
Sancho yfirgaf Manchester City árið 2017 og ákvað að leita á vit ævintýrannna með því að semja við Borussia Dortmund í Þýskalandi en á stuttum tíma hefur honum tekist að ná ótrúlegum árangri.
Hann er nú þegar einn besti leikmaður þýsku deildarinnar og var þá valinn í enska landsliðshópinn á dögunum. Stærstu lið Evrópu eru á eftir honum og ljóst að framtíðin er björt hjá Sancho.
Hann hlaut verðlaunin besti ungi leikmaður ársins í dag en hann hafði betur gegn leikmönnum á borð við Callum Hudson-Odoi, Vinicius Junior og Phil Foden.
Justin Kluivert, sem leikur með Roma vann verðlaunin á síðasta ári og þá hefur Gianluigi Donnarumma, markvörður AC Milan, einnig unnið þau.
Congrats to our very own @Sanchooo10, who was just named the world’s best teenager in Goal’s #NxGn 2019 awards! ⚡️ pic.twitter.com/XN8SejWTej
— Borussia Dortmund (@BlackYellow) March 20, 2019
Athugasemdir