Spánn: Girona svaraði fyrir tapið gegn Atlético - Aspas skoraði tvö

Girona, sem hefur verið spútniklið La Liga á tímabilinu, hefur ekki tekist að halda uppi sama takti og í byrjun leiktíðar.

Þá vann liðið hvern leikinn á fætur öðrum en nú er það svo gott sem úr titilbaráttunni. Girona ætlar sér samt sem áður í Meistaradeildina.

Liðið vann 4-1 sigur á Cadiz í kvöld. Eric Garcia, Ivo Martin og markahæsti leikmaður deildarinnar, Artem Dovbyk, komu GIrona í 3-0 áður en Gonzalo Escalante minnkaði muninn. Portu kláraði síðan dæmið fyrir Girona undir lokin.

Girona er í 3. sæti með 68 stig og þarf þrjá sigra í viðbót til að gulltryggja Meistaradeildarsætið.

Iago Aspas skoraði tvö í 4-1 sigri Celta VIgo á Las Palmas á meðan Ayoze Perez gerði bæði mörk Real Betis í 2-1 sigri á Valencia.

Úrslit og markaskorarar:

Celta 4 - 1 Las Palmas
0-1 Juanma Herzog ('11 )
1-1 Iago Aspas ('37 )
2-1 Williot Swedberg ('39 )
3-1 Anastasios Douvikas ('71 )
4-1 Iago Aspas ('76 )

Valencia 1 - 2 Betis
0-1 Ayoze Perez ('19 )
1-1 Pepelu ('66 , víti)
1-2 Ayoze Perez ('77 )

Girona 4 - 1 Cadiz
1-0 Eric Garcia ('9 )
2-0 Ivan Martin ('22 )
3-0 Artem Dovbyk ('71 )
3-1 Gonzalo Escalante ('81 )
4-1 Portu ('82 )

Rayo Vallecano 2 - 1 Osasuna
0-1 Moi Gomez ('29 )
1-1 Pep Chavarria ('80 )
2-1 Isi Palazon ('84 )