Josip Zeba var örlagavaldur í leik Grindavíkur og Fylkis sem lauk með sigri Grindavíkur í kvöld. Zeba var traustur í vörn heimamanna og bætti svo um betur með að tryggja þeim sigur með marki eftir hornspyrnu í síðari hálfleik.
Lestu um leikinn: Grindavík 1 - 0 Fylkir
„Ég er mjög ánægður við mættum til sigurs og fannst við verðskulda sigurinn í dag," sagði stuttorður Zeba um hvað skóp sigur þeirra gulklæddu í dag.
Zeba myndar sterkt miðvarðarpar með Marc McAusland sem kom til Grindavíkur frá Keflavík í vetur.
„Það er mjög auðvelt að spila með Marc en það á við um alla hjá þessu félagi, ég er nýr en við erum með marga nýja leikmenn en andinn hjá félaginu er mjög góður sem gerir vinnuna auðveldari og við erum pressulausir.“
Zeba hefur komið víða við á ferlinum en hvernig finnst honum að spila á Íslandi?
„Það er munur á milli allra deilda. Deildin hér er góð og gæða leikmenn en deildin hér er líka kraftmeiri og leikmenn mjög sterkir en t.d. þegar ég var í Víetnam var ég sá hávaxnasti í deildinni og allir aðrir kannski 55kg,“ sagði léttur Josip Zeba en allt viðtalið má sjá hér að ofan.
Athugasemdir