„Undirbúningstímabilið var langt og erfitt fyrir mig," sagði Steven Lennon, framherji FH, eftir 3-2 sigur á Íslandsmeisturum Vals í Pepsi Max-deildinni í kvöld.
Lestu um leikinn: FH 3 - 2 Valur
Meiðsli hafa verið að angra Lennon og var hann aðeins að koma við sögu í annað sinn í Pepsi Max-deildinni í sumar.
„Ég hef verið að glíma við meiðsli frá síðasta tímabili. Ég er ekki í fullkomnu standi en ég get að minnsta kosti fengið einhverjar mínútur og hjálpað liðinu. Þetta eru meiðsli þar sem er óvitað hvað vandamálið nákvæmlega er. Ég fór í þriðju sprautumeðferðina og það virðist hafa hjálpað."
Á þeim stutta tíma sem hann var inn á í kvöld þá tókst honum að skora og leggja upp. Mark Lennon var einstaklega flott. Hann skoraði með viðstöðulausu skoti utarlega í teignum.
„Þetta var góður sigur. Ég held enn að Valur verði við toppinn í lok sumars. Þeir spiluðu góðan bolta og settu okkur undir pressu. Við erum að elta ÍA."
„Ég tel að við séum langbesta liðið í deildinni. Við erum með frábæran hóp og verðum enn sterkari þegar ég og Davíð verðum aftur heilir. Það eru engir 11 leikmenn betri en þeir sem við erum með hjá FH."
Athugasemdir