Antonio Di Natale, fyrrum sóknarmaður Udinese og ítalska landsliðsins, segir að Liverpool hafi sýnt sér mikinn áhuga þegar hann var upp á sitt besta. ann
Á tólf árum hjá Udinese skoraði Di Natale hvorki meira né minna en 227 mörk í 446 leikjum.
Þrátt fyrir mikinn áhuga annars staðar frá þá hélt Di Natale alltaf tryggð við Udinese, alveg þangað til skórnir fóru upp á hillu árið 2016.
Hann segir í samtali við Tuttosport: „Liverpool var tilbúið að gera allt til að fá mig, en það hefði ekki verið vit í því fyrir mig að fara til Englands þegar ég var búinn að hafna Juventus."
Eftir að leikmannaferlinum lauk hefur Di Natale snúið sér að þjálfun og er í dag þjálfari U17 liðs Spezia. Í aðalliði Spezia er sóknarmaðurinn Sveinn Aron Guðjohnsen.
Athugasemdir