„Skiptir bara ekki máli að safna einhverjum jákvæðum punktum ef ég fæ engin stig á töfluna," sagði Sigurvin Ólafsson, þjálfari KV eftir tap á móti Kórdrengjum í 3.umferð Lengjudeildarinnar.
Lestu um leikinn: Kórdrengir 2 - 0 KV
Sigurvin var spurður út í dómara leiksins og hvort það hafi verið eitthvað sem hann væri ósáttur með.
„Eina sem ég var ósáttur við dómarann var uppbótartíminn. Ég var hvort eð er tveimur mörkum undir. Hvort eð er ekkert náð því, en hann bætti of litlu við fannst mér miðað við að markmaðurinn þeirra hélt á boltanum örugglega svona einn þriðja af seinni hálfleik. Annars var dómarinn bara fínn í þessum leik," sagði Sigurvin.
„Oddur var á kantinum," sagði kíminn Sigurvin Ólafs spurður hvort það vantaði odd fram á við.
„Við erum vanir auðvitað bara, innan gæsalappa, léttari andstæðingum upp á síðkastið. Það hefur verið auðveldara fyrir okkur síðustu tvö ár að búa til færi og mörk. En að því sögðu við fáum alveg fullt af færum í dag. Eigum skot í slá og víti. Fullt af krossum. 10 - 12 horn," sagði Sigurvin.
Að lokum talaði Sigurvin um framhaldið og hvernig hann sæi það. Talaði um að spilamennskan þeirra væri búin að vera fín en nú þurfi að fara sækja sigrana.